AICC తెలంగాణ ఇంచార్జ్ మీనాక్షి నటరాజన్ పదవి నుంచి తప్పించాలని కోరారు
AICC తెలంగాణ ఇంచార్జ్ మీనాక్షి నటరాజన్ తన పదవి నుంచి తప్పించాలని కాంగ్రెస్ హైకమాండ్కు విజ్ఞప్తి చేశారని తెలుస్తోంది. విదేశాల్లో చదువుకోవాలని ఆమె పదవి నుంచి రిలీవ్ కావాలని కోరారని సమాచారం. హైకమాండ్ మాత్రం ఇప్పటి వరకు ఆమె విజ్ఞప్తిపై స్పందించలేదని తెలుస్తోంది.
గత కొన్ని రోజులుగా మీనాక్షి నటరాజన్ హైదరాబాద్కు ఎప్పుడు వస్తున్నారో తెలియడం లేదని కాంగ్రెస్ నాయకులు అంటున్నారు. పార్టీలో ఇంచార్జ్ ఉన్నారా లేరా అన్న అనుమానాలు కూడా వ్యక్తమవుతున్నాయి.
తెలంగాణలో కాంగ్రెస్ అధికారంలోకి వచ్చిన తర్వాత ఇప్పటి వరకు ముగ్గురు ఇంచార్జ్లు మారారు. మొదట మాణికరావ్ ఠాక్రే ఎన్నికల సమయంలో ఇంచార్జ్గా ఉన్నారు. ఆ తర్వాత దీప్దాస్ మున్షి వచ్చారు. వారిద్దరి తర్వాత మీనాక్షి నటరాజన్ను ఇంచార్జ్గా నియమించింది AICC.
మీనాక్షి నటరాజన్ PCC చీఫ్ మహేష్ గౌడ్తో కలిసి జనహిత పాదయాత్రలు చేశారు. పార్టీ పటిష్టతకు పని చేశారు. అయితే ఇప్పుడు ఆమె సైలెంట్గా ఉండటం పార్టీ నాయకులలో ఆందోళన కలిగిస్తోంది.
ఒకవేళ ఇంచార్జ్ను మార్చాల్సి వస్తే రాజస్థాన్ మాజీ CM అశోక్ గెహ్లాట్, చత్తీస్గఢ్ మాజీ CM భూపేష్ బఘేల్, దిగ్విజయ సింగ్ లాంటి నేతలను నియమించే అవకాశం ఉందని కొన్ని వర్గాలు చెప్తున్నాయి. ఈ విషయంపై AICC అధికారిక స్పందన తెలియాల్సి ఉంది.
వార్త ఆధారాలు: పబ్లిక్ న్యూస్ బ్రాడ్కాస్ట్లు, అధికారిక అప్డేట్లు, ఉషా కిరణం ఎడిటోరియల్ ప్రమాణాలు.
సవరణల కోసం సంప్రదించండి: help@ushakiranam.com
