తెలంగాణ డీసీసీ అధ్యక్షులతో మీనాక్షి నటరాజన్ వన్-టు-వన్ సమీక్ష

తెలంగాణ కాంగ్రెస్ డీసీసీ అధ్యక్షులతో ఏఐసీసీ ఇంచార్జి మీనాక్షి నటరాజన్ వన్-టు-వన్ సమావేశాలు నిర్వహిస్తున్నారు. ప్రతి డీసీసీ అధ్యక్షుడి పనితీరును ఆమె సమీక్షించారు. ఇప్పటివరకు చేసిన కృషి, పార్టీ కార్యక్రమాల అమలు తీరుపై ప్రశ్నించారు. నేతల మధ్య వర్గపోరు జరగకుండా చూడాలని, పార్టీ విధేయతతో పనిచేయాలని సూచించారు. పార్టీ అధిష్టానం నియోజకవర్గాల్లో విభేదాలు నివారించడంపై ప్రత్యేక శ్రద్ధ పెట్టింది.

టీపీసీసీ అధ్యక్షుడు మహేష్ కుమార్ గౌడ్ మాట్లాడుతూ, మండల కమిటీల నియామకాల్లో డీసీసీల నిర్ణయమే తుదిదని స్పష్టం చేశారు. డీసీసీ అధ్యక్షుల పనితీరును సమీక్షిస్తున్నామని, సంతృప్తికరంగా లేనివారిపై చర్యలు తీసుకుంటామని హెచ్చరించారు. గురువారం కూడా ఈ వన్-టు-వన్ సమావేశాలు కొనసాగుతాయని తెలిపారు.