నీట్ లీక్ కేసులో సీబీఐ వెల్లడి: లాతూర్ కోచింగ్ ఓనర్ ₹5 లక్షలకు ప్రశ్నాపత్రం కొనుగోలు

సీబీఐ తాజా దర్యాప్తులో లాతూర్‌లోని ఓ కోచింగ్ సెంటర్ యజమాని నీట్ కెమిస్ట్రీ ప్రశ్నాపత్రాన్ని రూ.5 లక్షలకు కొనుగోలు చేసినట్లు వెల్లడైంది. ఈ పేపర్ లీక్ వ్యవహారంలో ఎన్టీఏ ప్రొఫెసర్ పీవీ కులకర్ణిని కూడా అరెస్ట్ చేసినట్లు తెలిసింది.

సీబీఐ కోర్టులో సమర్పించిన వివరాల ప్రకారం, లాతూర్ కోచింగ్ సెంటర్ యజమాని ఎన్టీఏ పేపర్ సెట్టర్ అయిన కులకర్ణి నుంచి రూ.5 లక్షలకు ఈ ప్రశ్నాపత్రాన్ని కొనుగోలు చేశారు. నీట్ పరీక్ష జరగడానికి 10 రోజుల ముందే కెమిస్ట్రీ పేపర్ లీక్ అయింది. ఆ తర్వాత ఈ ప్రశ్నాలు పలు రాష్ట్రాల్లో సర్క్యులేట్ అయ్యాయి.

సీబీఐ దర్యాప్తులో హస్తలిఖిత ప్రశ్నలు 111 ఎన్టీఏ మాస్టర్ సెట్‌తో సరిపోలాయి. నిందితుడి ఫోన్ నుంచి 36 హస్తలిఖిత ప్రశ్నల చిత్రాలు రికవరీ చేశారు. ఇప్పటివరకు ఈ కేసులో 13 మందిని అరెస్ట్ చేయగా, మనీ ట్రయల్ నిర్ధారణ అయ్యింది. లీక్ వ్యవహారం బయటపడటంతో ఎన్టీఏ నీట్ యూజీ పరీక్ష రద్దు చేసింది. అనంతరం జూన్ 21 న తిరిగి పరీక్ష నిర్వహించారు. కులకర్ణి అరెస్ట్ తర్వాత ఈ నెట్‌వర్క్‌లోని పూర్తి వ్యవస్థ సీబీఐకి అర్థమైంది. ప్రస్తుతం సీబీఐ ఈ కేసులో మరింత దర్యాప్తు చేస్తోంది.