హైదరాబాద్లోని సైదాబాద్ సక్సెస్ స్కూల్లో ఖురాన్ హోమ్వర్క్ వివాదం; టీచర్ను తొలగించిన యాజమాన్యం
హైదరాబాద్ లోని సైదాబాద్లో ఉన్న సక్సెస్ స్కూల్లో ఓ టీచర్ ఒక విద్యార్థికి ఖురాన్ సంబంధిత హోమ్వర్క్ ఇవ్వడం వివాదాస్పదమైంది. ఈ ఘటనపై స్కూల్ యాజమాన్యం ఆ టీచర్ను ఉద్యోగం నుండి తొలగించారు.
స్కూల్ మేనేజ్మెంట్ ప్రకారం, రెండో తరగతి చదువుతున్న ఒక విద్యార్థి డైరీలో 'రీడ్ వన్ టు కల్మా' చదవండి అని టీచర్ రాశారు. ఇది గమనించిన విద్యార్థి తల్లిదండ్రులు పోలీసులకు ఫిర్యాదు చేశారు. తొలుత స్కూల్పై కేసు నమోదైంది. అయితే, తరువాత విద్యార్థి తండ్రి రాజశేఖర్ స్కూల్ యాజమాన్యంతో మాట్లాడి, కేసు ఉపసంహరించుకుంటామని తెలిపారు.
స్కూల్ యాజమాన్యం మాట్లాడుతూ, 'ఇది ఆ టీచర్ వ్యక్తిగతంగా చేసిన పొరపాటు. ఇటువంటి సంఘటనలు జరగకుండా భవిష్యత్తులో జాగ్రత్తలు తీసుకుంటాము. స్కూల్లో 99% మంది ముస్లిం విద్యార్థులు ఉన్నారు, కొద్దిమంది ఇతర మతాల పిల్లలు చదువుతున్నారు. మా విద్యాసంస్థలో మతపరమైన ప్రేరణలు లేవు' అని చెప్పారు. టీచర్ను తక్షణమే ఉద్యోగం నుండి తొలగించామని వారు స్పష్టం చేశారు.
ఈ ఘటనపై బీజేపీ నాయకులు స్పందించి, స్కూల్ ను ముట్టడిస్తామని హెచ్చరించారు. అయితే, స్కూల్ యాజమాన్యం దీనిని రాజకీయ విషయం చేయవద్దని కోరారు. పోలీసులు దీనిపై విచారణ చేపట్టారు. విద్యార్థి ఆ హోంవర్క్ రాయలేక ఏడుస్తున్నాడని, అతనిపై ఎక్కువ ఒత్తిడి పడిందని కుటుంబం తెలిపింది.
వార్త ఆధారాలు: పబ్లిక్ న్యూస్ బ్రాడ్కాస్ట్లు, అధికారిక అప్డేట్లు, ఉషా కిరణం ఎడిటోరియల్ ప్రమాణాలు.
సవరణల కోసం సంప్రదించండి: help@ushakiranam.com
