57 మెట్రో స్టేషన్లలో ఆఫీస్ బబుల్స్ ఏర్పాటు

హైదరాబాద్ మెట్రో సంస్థ 'ఆఫీస్ బబుల్స్' పేరుతో కో-వర్కింగ్ ఆఫీసు స్పేస్‌లను ప్రారంభించింది. ట్రాన్సిట్ ఓరియెంటెడ్ డెవలప్‌మెంట్ వ్యూహంలో భాగంగా 57 మెట్రో స్టేషన్లలో ఈ స్పేస్‌లు అందుబాటులో ఉంటాయి.

అమీర్‌పేట, మియాపూర్, రాయదుర్గం, ఉప్పల్, ఎంజీబీఎస్, జేబీఎస్, ముసారాంబాగ్ వంటి ప్రధాన స్టేషన్లలో కో-వర్కింగ్ స్పేస్‌లకు డిమాండ్ ఎక్కువగా ఉంది. ఎంజీబీఎస్‌లో పాస్‌పోర్ట్ కార్యాలయం, ముసారాంబాగ్‌లో ఆధార్-మీసేవా కేంద్రం, జేబీఎస్‌లో స్టార్టప్ కంపెనీల కార్యాలయాలు ఇప్పటికే అందుబాటులో ఉన్నాయి.

మెట్రో స్టేషన్లోని ఆఫీస్ స్పేస్ వల్ల ఉద్యోగుల ప్రయాణ సమయం ఆదా అవుతుందని, సిబ్బంది నియామకం సులభంగా ఉంటుందని ఒక స్టార్టప్ ప్రతినిధి తెలిపారు. మెట్రో కనెక్టివిటీతో వర్క్ స్మూత్‌గా సాగుతుందని మరో ప్రయాణికుడు పేర్కొన్నారు.

ఢిల్లీ, ముంబై, బెంగళూరు మెట్రోల్లో కూడా ఇలాంటి కార్యాలయాలు నిర్వహిస్తున్నారు. కమర్షియల్ స్పేస్‌తో సమానమైన అద్దెలు ఉండడంతో మెట్రోకు అదనపు ఆదాయం లభించనుంది.