మీర్‌పేటలో మంత్రాల చెరువు పరిసరాల్లో సామాజిక పారిశుధ్య కార్యక్రమం

హైదరాబాద్ మీర్‌పేటలోని మంత్రాల చెరువు వద్ద స్థానిక కాలనీవాసులు, వాకర్స్ క్లబ్, చెరువుల పరిరక్షణ సమితి ఆధ్వర్యంలో క్లీన్ అండ్ గ్రీన్ కార్యక్రమం నిర్వహించారు.

చెరువు కట్ట, పరిసరాల్లో చెల్లాచెదురుగా పడి ఉన్న చెత్త, ముళ్లపొదలు, ప్లాస్టిక్ వ్యర్థాలను తొలగించారు. ఈ కార్యక్రమంలో మహిళలు, సీనియర్ సిటిజన్లు భారీ సంఖ్యలో పాల్గొన్నారు.

వలంటీర్లు మాట్లాడుతూ, చెరువు పరిరక్షణ అందరి బాధ్యత అని పేర్కొన్నారు. చెత్తాచెదారం, దుర్వాసనల వల్ల ఆరోగ్య సమస్యలు తలెత్తుతాయని, ఇల్లు ఎంత శుభ్రంగా ఉంచుకుంటామో పరిసరాలు కూడా అంతే శుభ్రంగా ఉంచుకోవాలని తెలిపారు.

ఉదయం 5 గంటలకే మద్యం సేవించే వ్యక్తులు చెరువు వద్ద తాగడం తమకు భయం కలిగిస్తోందని కొందరు స్థానికులు ఆవేదన వ్యక్తం చేశారు. బయట చెత్త వేయడం కన్నా వంద రూపాయలు చెల్లించి మున్సిపాలిటీ అందించే డస్ట్బిన్లో చెత్త వేయాలని విజ్ఞప్తి చేశారు.