పెబ్బేరులో మహిళలకు ఇందిరమ్మ చీరల పంపిణీ: ఎమ్మెల్యే మేఘారెడ్డి

తెలంగాణలోని వనపర్తి జిల్లా పెబ్బేరులో MLA మేఘారెడ్డి మహిళలకు ఇందిరమ్మ చీరలు పంపిణీ చేశారు. ఈ సందర్భంగా ఆయన మాట్లాడుతూ, రాష్ట్రంలో కాంగ్రెస్ ప్రభుత్వం మరో 15 సంవత్సరాలు అధికారంలో ఉంటుందని ధీమా వ్యక్తం చేశారు.

రాష్ట్ర ప్రభుత్వం మహిళలకు అధిక ప్రాధాన్యత ఇస్తోందని చెప్పారు. త్వరలో పెబ్బేరు మున్సిపాలిటీలో మహిళా సంఘాలకు పెట్రోల్ బంకు మంజూరు చేస్తామని ప్రకటించారు. వనపర్తి నియోజకవర్గంలో ఒక్క పూరిగుడిస కూడా ఉండకుండా అందరికీ ఇందిరమ్మ ఇళ్లు కట్టించే బాధ్యత తీసుకుంటున్నట్లు చెప్పారు.

సీఎం రేవంత్ రెడ్డి నాయకత్వాన్ని ఆయన ప్రశంసిస్తూ, ప్రభుత్వ సంక్షేమ పథకాల వల్ల మహిళలు కోటీశ్వరులు అవుతారని అన్నారు.