సోషల్ మీడియా వ్యసనంపై మెటాపై 29 అమెరికా రాష్ట్రాల దావా

అమెరికాలోని 29 రాష్ట్రాలు కలిసి మెటా సంస్థపై ఓక్లాండ్ ఫెడరల్ కోర్టులో దావా వేశాయి. మెటా సోషల్ మీడియా యాప్లు చిన్నారులు, టీనేజర్లను వ్యసనానికి గురిచేసేలా రూపొందించాయని ఈ దావాలో ఆరోపించారు.

మెటా యాప్లలో యూజర్లు ఎక్కువ సమయం గడిపేలా చేయడం, వ్యక్తిగత సమాచారం సేకరించడం, వాస్తవాలను దాచడమే మెటా బిజినెస్ మోడల్ అని కాలిఫోర్నియా అటార్నీ జనరల్ ఆరోపించారు. ఈ ఆరోపణలను మెటా తిరస్కరించింది. అటార్నీ జనరల్స్ పరిహారం వసూలు కోసమే దావా వేశారని మెటా పేర్కొంది.

1990లలో పొగాకు ఉత్పత్తులు ఆరోగ్యానికి హాని చేయవని కంపెనీలు ప్రచారం చేశాయి. దీనిపై అమెరికాలోని 50 రాష్ట్రాలు కలిసి న్యాయ పోరాటం చేశాయి. చివరికి పొగాకు కంపెనీలు 206 బిలియన్ డాలర్లు చెల్లించేందుకు అంగీకరించాయి. సోషల్ మీడియా వ్యసనం కేసును రెండో బిగ్ టొబాకో మూమెంట్‌గా అభివర్ణిస్తున్నారు.

మెటా కేసులో ఓడిపోతే 200 బిలియన్ డాలర్ల వరకు నష్టపరిహారం చెల్లించాల్సి రావచ్చని కాలిఫోర్నియా అటార్నీ జనరల్ మేగన్ తెలిపారు. ఈ మొత్తం భారత కరెన్సీలో దాదాపు 19 లక్షల కోట్ల రూపాయలకు పైగా ఉంటుంది.