కడియంలో యోగాంధ్ర కార్యక్రమంలో మంత్రి కందుల దుర్గేష్

మంత్రి కందుల దుర్గేష్ తూర్పు గోదావరి జిల్లా కడియం శివాంజనేయ నర్సరీ ప్రాంగణంలో నిర్వహించిన యోగాంధ్ర కార్యక్రమంలో పాల్గొన్నారు.

ఈ సందర్భంగా ఆయన మాట్లాడుతూ, యోగా అనేది ప్రపంచ మానవాళి శాంతియుతంగా, ఆరోగ్యంగా జీవించేందుకు భారతదేశం అందించిన గొప్ప వరమని అన్నారు. ప్రతి ఒక్కరూ యోగాను దినచర్యలో భాగం చేసుకోవాలని పిలుపునిచ్చారు.

యోగా, ఆయుర్వేదాలను ప్రజల జీవితంలో భాగం చేయడానికి ప్రధాని మోదీ, ముఖ్యమంత్రి చంద్రబాబు, ఉపముఖ్యమంత్రి పవన్ కళ్యాణ్ కృషి చేస్తున్నారని మంత్రి ప్రశంసించారు. ఈ సందర్భంగా ప్రపంచవ్యాప్తంగా యోగా ఆదరణ పెరుగుతోందని, శాంతి కోసం యోగా తప్పనిసరి అని అన్నారు.

గతంలో సెంట్రల్ జైల్ లో జరిగిన యోగా కార్యక్రమంలో పాల్గొన్నానని, ఇప్పుడు ఈ ప్రకృతి అందాల మధ్య యోగా చేయడం ఆనందంగా ఉందని చెప్పారు. యోగా శిక్షకులు మరింత కష్టమైన ఆసనాలు నేర్పించారని, క్రమం తప్పకుండా అభ్యాసం చేస్తే కష్టం కూడా ఇష్టంగా మారుతుందని అభిప్రాయపడ్డారు.