మంచిర్యాల్‌లో ధాన్యం కొనుగోలు కేంద్రాన్ని పరిశీలించిన మంత్రి వివేక్ వెంకటస్వామి

తెలంగాణ కార్మిక శాఖ మంత్రి వివేక్ వెంకటస్వామి మంచిర్యాల జిల్లా చెన్నూరులోని బావురావుపేట ధాన్యం కొనుగోలు కేంద్రాన్ని పరిశీలించారు. రైతు పండించిన చివరి గింజ వరకు కొంటామని మంత్రి హామీ ఇచ్చారు.

ఈ సీజన్‌లో దిగుబడి గత ఏడాది కంటే ఎక్కువగా వచ్చింది. గత ఏడాది 1,10,000 మెట్రిక్ టన్నులు వస్తే, ఈ ఏడాది 1,70,000 మెట్రిక్ టన్నుల దిగుబడి వచ్చిందని మంత్రి తెలిపారు. ఇప్పటి వరకు 1,27,000 మెట్రిక్ టన్నుల ధాన్యం కొనుగోలు జరిగిందని చెప్పారు.

ధాన్యం కొనుగోలు జూన్ 6 వరకు జరుగుతుందని, చెన్నూరు, కోటపల్లిలో జూన్ 15 వరకు కొనుగోలు కొనసాగుతుందని మంత్రి వివరించారు. హమాలీల కొరత వల్ల కొనుగోలు కొంత ఆలస్యమైందని తెలిపారు.

BRS నేతలు రైతులను రెచ్చగొట్టే ప్రయత్నం చేశారని మంత్రి ఆరోపించారు. ఈ విషయంపై BRS స్పందన తెలియాల్సి ఉంది.