దేవాదుల ఎత్తిపోతుల పథకంపై హైదరాబాద్‌లో మంత్రుల సమగ్ర సమీక్ష

దేవాదుల ఎత్తిపోతుల పథకంపై హైదరాబాద్ జలసౌధలో సమగ్ర సమీక్ష సమావేశం జరిగింది. మంత్రి ఉత్తమ్ కుమార్ రెడ్డి అధ్యక్షతన ఈ సమావేశం జరిగింది.

మంత్రులు పొంగులేటి శ్రీనివాస్ రెడ్డి, సీతక్క, ఎంపీ బలరాం నాయక్ పాల్గొన్నారు. ఎమ్మెల్యేలు కడియం శ్రీహరి, కేఆర్ నాగరాజు కూడా హాజరయ్యారు.

ప్రాజెక్టును సోర్స్ నుంచి టైల్ ఎండ్ వరకు సమీక్షించారు. పనుల పురోగతి, పెండింగ్ బ్యాలెన్స్ పనులు, భూసేకరణ అంశాలపై అధికారులతో చర్చించారు.

పనుల అమలులో ఎదురవుతున్న సాంకేతిక, పరిపాలన సమస్యలపై సమీక్ష జరిగింది. వివిధ శాఖల మధ్య సమన్వయం, పనుల పురోగతికి ఎదురవుతున్న అడ్డంకులపై ప్రధానంగా చర్చించారు. ప్యాకేజీల వారీగా పురోగతి, ఇంకా పూర్తి చేయాల్సిన పనుల వివరాలను అధికారులు నివేదించారు.

ప్రాజెక్టును సకాలంలో పూర్తి చేయాలని మంత్రులు దృష్టి సారించారు. పూర్తి స్థాయిలో అందుబాటులోకి తేవడానికి కార్యాచరణపై చర్చించారు. ఇరిగేషన్ శాఖ ఉన్నతాధికారులు, ఇంజనీరింగ్ అధికారులు సమావేశంలో పాల్గొన్నారు.