పోలవరం ఎడమ కాలువను పరిశీలించిన హోం మంత్రి అనిత

అనకాపల్లి జిల్లా పాయకరావుపేట మండలంలో హోం మంత్రి అనిత పోలవరం ఎడమ కాలువను పరిశీలించారు. సీఎం చంద్రబాబు జలహారతి కార్యక్రమానికి రానున్న నేపథ్యంలో ఏర్పాట్లు ముమ్మరంగా సాగుతున్నాయి.

సీతారాంపురం నుంచి పి.ఎల్.పురం వరకు ఈ పరిశీలన జరిగింది. నీటి విడుదల ప్రాంతంలో జలహారతి ఏర్పాట్లను ఆమె పరిశీలించారు. ఈ సందర్భంగా అధికారులతో సమీక్ష నిర్వహించారు.

అనకాపల్లి జిల్లా కలెక్టర్ విజయకృష్ణన్, ఉన్నతాధికారులు కూడా పాల్గొన్నారు. పోలవరం ఎడమ కాలువ ద్వారా గోదావరి జలాలు ఉత్తరాంధ్రకు రావడం చారిత్రకమని అనిత అన్నారు.

పాయకరావుపేట నియోజకవర్గంలో 35 వేల ఎకరాలకు సాగునీరు అందుతుందని ఆమె తెలిపారు. తాండవ, వరాహ, శారదా నదులకు నీరు వచ్చే అవకాశం ఉందని చెప్పారు. ఎల్నినో వంటి పరిస్థితుల్లో ఈ నీరు రైతులకు ఊరట ఇస్తుందని అభిప్రాయపడ్డారు.