మహిళల రక్షణ కోసం తమిళనాడు సీఎం ప్రత్యేక దళం ఏర్పాటు

తమిళనాడు ముఖ్యమంత్రి ఎం.కె. స్టాలిన్ మహిళల రక్షణ కోసం 'సంగప్పన్ స్పెషల్ ఫోర్స్' అనే ప్రత్యేక దళాన్ని ఏర్పాటు చేస్తున్నట్లు ప్రకటించారు.

ఈ దళం ఏర్పాటు కోసం తొలి దశలో రూ. 354 కోట్ల నిధులు కేటాయించారు. ఈ కొత్త దళం ద్వారా 2,500 మందికి ఉద్యోగాలు లభించనున్నాయి.

సీనియర్ నటుడు కమల్ హాసన్ ఈ నిర్ణయాన్ని స్వాగతిస్తూ సోషల్ మీడియాలో స్పందించారు. సరైన సమయంలో తీసుకున్న సరైన నిర్ణయం అని ఆయన అభిప్రాయపడ్డారు.

ఈ దళం 24 గంటల పాటు మహిళలకు అందుబాటులో ఉంటుందని, మహిళలపై వేధింపులు సహించని జీరో టాలరెన్స్ విధానంతో పనిచేస్తుందని రాష్ట్ర ప్రభుత్వం తెలిపింది. మహిళలపై నేరాలు, వేధింపులు పెరుగుతున్న నేపథ్యంలో ఈ చర్య ప్రాధాన్యత సంతరించుకుంది.