రాజానగరంలో సబ్సిడీ సన్న బియ్యం విక్రయ కేంద్రం ప్రారంభించిన ఎమ్మెల్యే బత్తుల

తూర్పు గోదావరి జిల్లా రాజానగరం మండలంలోని లాలా చెరువు హౌసింగ్ బోర్డు రైతు బజారులో సబ్సిడీపై సన్న బియ్యం విక్రయ కేంద్రాన్ని ఎమ్మెల్యే బత్తుల బలరామకృష్ణ ప్రారంభించారు. ఆయనతో పాటు అధికార కూటమి నాయకులు ఈ కార్యక్రమంలో పాల్గొన్నారు.

ఎమ్మెల్యే మాట్లాడుతూ, మార్కెట్ ధర కంటే కిలోకు ₹10 నుంచి ₹12 తక్కువ ధరకే నాణ్యమైన సన్న బియ్యాన్ని అందించడం ప్రభుత్వ లక్ష్యమని తెలిపారు. ప్రస్తుతం జిల్లాలో 45 కేంద్రాల ద్వారా సన్న బియ్యం సరఫరా జరుగుతోందని పేర్కొన్నారు.

పేద, మధ్యతరగతి కుటుంబాలు కూడా సన్న బియ్యం తినేలా ఈ కేంద్రం ద్వారా వీలు కల్పిస్తున్నట్లు వివరించారు. మరిన్ని ప్రాంతాలకు విస్తరించేందుకు అదనపు కేంద్రాలు త్వరలో ఏర్పాటు చేయనున్నట్లు ఆయన తెలిపారు.