తన సొంత నిధులతో దివ్యాంగులకు పింఛన్లు పంపిణీ చేస్తున్న ఎమ్మెల్యే బొలిశెట్టి శ్రీనివాస్

పశ్చిమ గోదావరి జిల్లా తాడేపల్లిగూడం ఎమ్మెల్యే బొలిశెట్టి శ్రీనివాస్ దివ్యాంగుల పింఛన్ల పంపిణీ చేపట్టారు. ఆయన తన సొంత నిధులతో ప్రస్తుతం 57 మంది దివ్యాంగులకు ఆర్థిక సహాయం అందిస్తున్నట్లు తెలిపారు. వీరిలో 34 మందికి నేరుగా తానే సహాయం అందిస్తున్నట్లు చెప్పారు.

ప్రభుత్వం పింఛన్లు ఇస్తున్నా కొంతమందికి అందడం లేదని, ఈ లోటును పూరించేందుకు తాను ఈ నిర్ణయం తీసుకున్నట్లు ఆయన వివరించారు. రాష్ట్ర ప్రభుత్వం పింఛన్లపై 10 వేల కోట్లు ఖర్చు చేస్తుండగా, ప్రజలు కూడా సహకరిస్తే ఆ మొత్తాన్ని అభివృద్ధి పనులకు వినియోగించవచ్చని అభిప్రాయపడ్డారు.

తాను ఎవరినీ అడగకుండానే కొంతమంది దాతలు ముందుకు వచ్చారని, సమాజం స్వచ్ఛందంగా సహాయం చేయడానికి సిద్ధంగా ఉందని ఆయన చెప్పారు. తాడేపల్లిగూడంను మోడల్ నియోజకవర్గంగా తీర్చిదిద్దాలనే లక్ష్యంతో ఉన్నట్లు తెలిపారు.