పేపర్ లీక్ నిరోధక బిల్లుకు పార్లమెంట్ ఆమోదం: ప్రధాని మోదీ

ప్రధాని నరేంద్ర మోదీ పేపర్ లీక్ నిరోధక బిల్లు పార్లమెంట్ ఆమోదం పొందినట్లు ప్రకటించారు.

ఆయన మాట్లాడుతూ, విశ్వసనీయమైన పరీక్షా వ్యవస్థ కోసం ప్రభుత్వం అనేక చర్యలు తీసుకుంటోందన్నారు. టాస్క్‌ఫోర్స్, ఫాస్ట్‌ట్రాక్ కోర్టుల ఏర్పాటు, రాష్ట్రాల సూచనలను పరిగణలోకి తీసుకోవడం వంటి చర్యలు చేపట్టామని వివరించారు.

పేపర్ లీక్ సమస్య వల్ల యువత భవిష్యత్తుకు ఇబ్బంది ఏర్పడుతోందని, ఈ సమస్యను దశాబ్దాలుగా అన్ని ప్రభుత్వాలు ఎదుర్కొంటున్నాయని ఆయన అన్నారు. ఈ నేపథ్యంలో కేంద్ర ప్రభుత్వం ఈ బిల్లును పార్లమెంట్‌లో ప్రవేశపెట్టిందని, రెండు సభల్లో విస్తృతంగా చర్చించిన తర్వాత నేడు ఆమోదం పొందిందని ప్రధాని తెలిపారు.

ఈ బిల్లులో కఠిన నిబంధనలు ఉన్నాయని, పేపర్ లీక్ చేసే గ్యాంగ్‌లను కఠినంగా శిక్షించే అవకాశం ఉంటుందని ఆయన వివరించారు. ఇకపై పరీక్షా వ్యవస్థ మరింత విశ్వసనీయంగా తీర్చిదిద్దే దిశగా చర్యలు కొనసాగుతాయని ప్రధాని పేర్కొన్నారు.