పశ్చిమాసియా సంక్షోభంపై కేంద్ర కేబినెట్ సుదీర్ఘ చర్చ

కేంద్ర కేబినెట్ సమావేశం దాదాపు నాలుగున్నర గంటల పాటు కొనసాగింది. సాయంత్రం 4:30కు ప్రారంభమైన సమావేశం రాత్రి 9:45 వరకు జరిగింది.

పశ్చిమాసియాలో నెలకొన్న సంక్షోభం నేపథ్యంలో దేశంలో ఇంధన సమస్య తలెత్తవచ్చని ప్రధాని మోదీ వివరించారు. ఈ సంక్షోభం దీర్ఘకాలం కొనసాగే అవకాశం ఉందని తెలిపారు. దేశంలో చమురు నిల్వలు మరో ఐదు నెలలకు సరిపోతాయని, అయినప్పటికీ రాబోయే పరిణామాలకు ముందే సిద్ధంగా ఉండాలని ఆయన పేర్కొన్నారు.

ఇంధనం, ఎరువులు, వ్యవసాయం, విమానయానం రంగాలపై ప్రత్యేక దృష్టి పెట్టాలని మోదీ మంత్రులను ఆదేశించారు. ప్రజాధనాన్ని పొదుపు చేయాలని, సైనిక క్రమశిక్షణతో పని చేయాలని కూడా చెప్పినట్లు తెలుస్తోంది.

వికసిత్ భారత్ నిర్మాణం 2047ని లక్ష్యంగా పెట్టుకుని పని చేయాలని మంత్రులకు దిశా నిర్దేశం చేశారు. నిరుద్యోగ సమస్య పరిష్కారానికి జాతీయ రోజ్గార్ మేళాపై కూడా చర్చ జరిగినట్లు తెలిసింది.

ప్రధాని మోదీ ఐదు దేశాల పర్యటనలో కుదుర్చుకున్న ఒప్పందాలపై విదేశాంగ మంత్రి జయశంకర్ కేబినెట్‌కు briefing ఇచ్చారు. కేంద్ర కేబినెట్ సెక్రెటరీ నీతి ఆయోగ్ తరపున వివిధ మంత్రిత్వ శాఖల పనితీరుపై presentation చేశారు.