మోదీ క్యాబినెట్ పునర్విభజన: తెలంగాణ నేతలకు అవకాశం?

PM నరేంద్ర మోదీ మూడో పదవీకాలం రెండేళ్లు పూర్తి కావస్తున్న నేపథ్యంలో కేంద్ర క్యాబినెట్ పునర్విభజన జరగనుందని వార్తలు వస్తున్నాయి. సాయంత్రం నాలుగు గంటలకు ప్రధాని అధ్యక్షతన కేంద్ర క్యాబినెట్ సమావేశం జరగనుంది.

ఈ పునర్విభజనలో ప్రస్తుత మంత్రులు కొందరిని పార్టీ కార్యక్రమాలకు మళ్ళించి కొత్తవారికి చోటు కల్పించే అవకాశం ఉందని తెలుస్తోంది. దాదాపు 30 మంది కేంద్ర మంత్రులను పార్టీ అవసరాల కోసం వినియోగించుకోవాలని BJP ఆలోచిస్తున్నట్టు సమాచారం.

తెలంగాణ నుంచి DK అరుణకు క్యాబినెట్‌లో స్థానం కల్పించే అవకాశం ఉందని వార్తలు వినిపిస్తున్నాయి. తెలంగాణ ప్రాంతం నుంచి ఒక మహిళకు అవకాశం ఇవ్వాలని BJP పరిశీలిస్తోందని సమాచారం. అయితే ఈ విషయంలో అధికారిక ప్రకటన రాలేదు.

కేంద్ర మంత్రి బండి సంజయ్‌కు సంబంధించిన వివాదాల నేపథ్యంలో ఆయన్ను మంత్రివర్గం నుంచి తొలగించవచ్చని కొన్ని వార్తలు వస్తున్నాయి. ఇవి అంతా ఊహాగానాలే తప్ప ఏ నిర్ణయమూ ఇంకా అధికారికంగా ప్రకటించలేదు.

ఇదే సమయంలో AAP నుంచి BJP లోకి వచ్చిన కొందరు MPs లో ఒకరిద్దరికి కూడా క్యాబినెట్‌లో చోటు కల్పించే అంశం పరిశీలనలో ఉందని తెలుస్తోంది. JDU అధినేత నితీష్ కుమార్ పార్టీకి కూడా మంత్రి పదవులు ఇవ్వాలని యోచిస్తున్నారు.

మహిళా రిజర్వేషన్ బిల్లు, నియోజకవర్గాల పరిధి పెంపు (delimitation) బిల్లును రానున్న పార్లమెంట్ సమావేశాల్లో ఆమోదింపజేసే వ్యూహంపై కూడా ఈ రోజు క్యాబినెట్‌లో చర్చ జరగవచ్చని సమాచారం.