భోగాపురం ఎయిర్పోర్ట్ ప్రారంభంతో 43 ఏళ్ల తర్వాత విజయనగరానికి ప్రధాని సందర్శన

ప్రధాని నరేంద్ర మోదీ భోగాపురంలోని అల్లూరి సీతారామరాజు అంతర్జాతీయ విమానాశ్రయాన్ని ప్రారంభించారు. ఉత్తరాంధ్ర ప్రాంతంతోపాటు నవ్యాంధ్రప్రదేశ్ కు ఈ విమానాశ్రయం కీలకమైన ప్రాజెక్టుగా భావిస్తున్నారు. ప్రధాని హోదాలో 43 ఏళ్ల సుదీర్ఘ విరామం తర్వాత విజయనగరం జిల్లాకు వచ్చిన తొలి ప్రధాని మోదీ.

1983లో అప్పటి ప్రధాని ఇందిరా గాంధీ విజయనగరంలో మహారాజా స్టేడియంలో ఎన్నికల ప్రచారం నిర్వహించారు. అంతకుముందు కొంతమంది నేతలు విజయనగరాన్ని సందర్శించి తర్వాత ప్రధాని పదవి చేపట్టారు.

అటల్ బిహారీ వాజ్పేయి 1967లో జనసంఘ నాయకుడిగా, జై ఆంధ్ర ఉద్యమ సమయంలో కూడా విజయనగరం వచ్చారు. 1971 నుంచి 1973 వరకు ఉమ్మడి ఆంధ్రప్రదేశ్ ముఖ్యమంత్రిగా ఉన్న పీవీ నరసింహారావు ఆ హయాంలో జిల్లాలో పర్యటించారు. ఆ తర్వాత వీరిద్దరూ దేశ ప్రధానులయ్యారు.

1978లో ప్రధాని మురార్జీ దేశాయ్ జనతా పార్టీ అభ్యర్థిగా పోటీ చేసిన అశోక్ గజపతి రాజు కోసం విజయనగరంలో ప్రచారం చేశారు. ఆ ఎన్నికల్లో గెలిచిన అశోక్ గజపతి రాజు తొలిసారిగా అసెంబ్లీలో అడుగుపెట్టారు.

మోదీ ఇప్పటివరకు ఆంధ్రప్రదేశ్ లో సుమారు 15సార్లు పర్యటించారు. ప్రాజెక్టుల ప్రారంభాలు, శంకుస్థాపనలు, ఎన్నికల ప్రచారాలు వంటి కార్యక్రమాల్లో ఆయన పాల్గొన్నారు.