తెలంగాణ ఆవిర్భావ దినోత్సవంపై రాష్ట్రపతి ముర్ము, ప్రధాని మోదీ శుభాకాంక్షలు

తెలంగాణ ఆవిర్భావ దినోత్సవం సందర్భంగా భారత రాష్ట్రపతి ద్రౌపది ముర్ము, ప్రధాని నరేంద్ర మోదీ తమ X ఖాతాల్లో శుభాకాంక్షలు తెలిపారు.

రాష్ట్రపతి ముర్ము తన పోస్ట్‌లో, గొప్ప సాంస్కృతిక వారసత్వానికి తెలంగాణ చిహ్నం అని అన్నారు. తెలంగాణ ప్రజలు కష్టపడే గుణం కలవారని, ఇన్నోవేషన్, డెవలప్మెంట్ రంగాల్లో రాష్ట్రం చెప్పుకోదగ్గ ప్రగతి సాధించిందని ప్రశంసించారు.

ప్రధాని మోదీ మాట్లాడుతూ, తెలంగాణ రాష్ట్రం ధైర్యానికి, సంకల్పానికి, పోరాట స్ఫూర్తికి ప్రతీక అని పేర్కొన్నారు. గొప్ప చరిత్ర, వైభవమైన సంస్కృతి కలిగిన ప్రాంతం అని తెలిపారు. వికసిత్ భారత్ లక్ష్యంలో తెలంగాణ ప్రయాణానికి, అభివృద్ధికి కేంద్రం పూర్తి సహకారం అందిస్తోందని హామీ ఇచ్చారు. తెలంగాణ ప్రజలు మరిన్ని విజయాలు సాధించాలని ఆకాంక్షించారు.