అప్పు తిరిగి అడిగినందుకు ఇద్దరు మహిళలను హత్య చేసిన కేసులో ముగ్గురు అరెస్ట్

తెలంగాణలోని మొయినాబాద్ సమీపంలో ఇద్దరు మహిళలను హత్య చేసి అడవిలో పాతిపెట్టిన కేసులో పోలీసులు ముగ్గురిని అరెస్ట్ చేశారు. నిందితులు కరీమా బేగం, రెహ్మా, నయీం అని పోలీసులు తెలిపారు.

మృతులు మహబూబ్ బీ మరియు ఆబిదా బేగం. మహబూబ్ బీ తాండూరు ఇందిరమ్మ కాలనీకి చెందిన వ్యక్తి. ఆబిదా బేగం వికారాబాద్ జిల్లా కాసింపూర్ నివాసి. ఇద్దరూ కూలి పని చేసుకుంటూ జీవనం సాగించే వారు.

ఈ మహిళలు తమ గ్రామానికి చెందిన కొంతమందికి అప్పు ఇచ్చారు. తిరిగి డబ్బు అడిగినందుకు నిందితులు వారిని చంపాలని పథకం వేశారని పోలీసులు పేర్కొన్నారు. ఇద్దరినీ వేర్వేరు సమయాల్లో డబ్బు ఇచ్చేస్తామని నమ్మించి farm house లకు పిలిపించారు. అక్కడ హత్య చేసి మొయినాబాద్ అడవిలో పాతిపెట్టారు.

మహబూబ్ బీ మార్చ్ నెలలో, ఆబిదా బేగం ఈ నెల 9వ తేదీన కనిపించకుండా పోయారు. కుటుంబ సభ్యులు పోలీసులకు ఫిర్యాదు చేయడంతో దర్యాప్తు మొదలైంది.

ఇద్దరు బాధిత మహిళలకు కరీమా బేగం common friend అని పోలీసులు గుర్తించారు. ఆమె call data పరిశీలించగా కీలక విషయాలు వెలుగులోకి వచ్చాయి. విచారణలో నిందితులు హత్యను అంగీకరించారు. నిందితులను spot కు తీసుకెళ్లగా కుళ్లిపోయిన స్థితిలో ఉన్న రెండు మృతదేహాలు స్వాధీనం చేసుకున్నారు. హత్య ఎలా జరిగింది, ఎవరెవరు పాల్గొన్నారు అనే కోణంలో దర్యాప్తు కొనసాగుతోంది.