పౌర్ణమి రాత్రి చంద్ర కిరణాలతో శివలింగ అభిషేకం: గోవాలో చంద్రేశ్వర భూతనాథ ఆలయ విశేషాలు

దక్షిణ గోవాలో ఉన్న చంద్రేశ్వర భూతనాథ ఆలయంలో ప్రతి పౌర్ణమి రాత్రి 9 గంటల నుంచి 12 గంటల మధ్య చంద్రుని కిరణాలు శివలింగంపై నేరుగా పడతాయి. ఆ కిరణాలు బిందువులుగా మారి అభిషేకం చేస్తాయని భక్తుల నమ్మకం. ఈ ఆలయం పరోడా గ్రామంలో ఒక కొండపై ఉంది. మార్గవ్ నుంచి దాదాపు 20 నుంచి 25 కిలోమీటర్ల దూరంలో ఉంటుంది.

ఆలయ ప్రాంగణంలో ఉండి చంద్రకాంతిని ఆస్వాదించడం వల్ల ఆరోగ్య ప్రయోజనాలు ఉంటాయని భక్తులు చెబుతున్నారు. ప్రత్యేకించి మహిళల సమస్యలకు ఇది ప్రయోజనకరమని పేర్కొంటున్నారు. మూడు నుంచి 16 నిమిషాల పాటు, లేదా 60 నుంచి 90 నిమిషాల వరకు ధ్యానం చేస్తూ అక్కడ గడపవచ్చు. ఈ సమయంలో చంద్ర కిరణాలు శరీరంపై పడడం వల్ల మానసిక ప్రశాంతత లభిస్తుందని భక్తులు విశ్వసిస్తున్నారు.