హైదరాబాద్‌లో మొహర్రం ఊరేగింపు: పాతబస్తీలో ట్రాఫిక్ ఆంక్షలు

హైదరాబాద్‌లో మొహర్రం సందర్భంగా పాతబస్తీలో ఊరేగింపు జరగనుంది. పోలీసులు భారీ బందోబస్తు ఏర్పాటు చేశారు.

బీబికా అలవా నుంచి బీబికా ఆలం వరకు సుమారు 7 కిలోమీటర్ల మేర ఈ ఊరేగింపు సాగుతుంది. చార్మినార్, యాకుత్పుర, దబీర్పుర, గుల్జార్ హౌస్, మీరాలం మండి, పురాణి హవేలీ, నయాపూల్ ప్రాంతాల మీదుగా వెళ్తుంది.

భద్రత కోసం 2000 మంది పోలీసులను నియమించారు. స్థానిక పోలీసులతో పాటు ఇతర జిల్లాల నుంచి పోలీసులు, టాస్క్‌ఫోర్స్, ట్రాఫిక్ పోలీసులు, షీ టీమ్స్ సిబ్బంది విధుల్లో ఉన్నారు.

మధ్యాహ్నం 12 నుంచి రాత్రి 10 వరకు ఊరేగింపు మార్గంలో ట్రాఫిక్ ఆంక్షలు అమల్లో ఉంటాయి. వాహనాలను ప్రత్యామ్నాయ మార్గాలకు మళ్లిస్తున్నారు. ప్రయాణికులు రద్దీని దృష్టిలో ఉంచుకుని సమీప ప్రాంతాలకు దూరంగా ఉండాలని పోలీసులు సూచించారు.