పెద్ది సుదర్శన్ రెడ్డి మృతిపై హరీష్ రావు సంతాపం

మాజీ మంత్రి హరీష్ రావు తెలంగాణ ఉద్యమకారుడు పెద్ది సుదర్శన్ రెడ్డి మృతిపై సంతాపం వ్యక్తం చేశారు. ఆయన మరణం తనను దిగ్భ్రమకు గురి చేసిందన్నారు. ఇలాంటి రోజు వస్తుందని కలలో కూడా ఊహించలేదని అన్నారు.

హరీష్ రావు, పెద్ది సుదర్శన్ రెడ్డితో తనకు రెండున్నర దశాబ్దాల అనుబంధం ఉందని గుర్తు చేశారు. కేసీఆర్ ఆలోచనలతో వారిద్దరూ కలిసి అనేక ఉద్యమాలు, ఉప ఎన్నికల్లో పనిచేశారని వివరించారు. మానుకోట సంఘటన, పరకాల, స్టేషన్ ఘన్‌పూర్, రాయినపల్లి ఉప ఎన్నికలు వంటి సందర్భాలను ప్రస్తావించారు.

పెద్ది సుదర్శన్ రెడ్డి తెలంగాణ ఉద్యమంలో పదవులు, ప్రాణం, ఆస్తులు లెక్కచేయకుండా పోరాడిన నిజాయతీ గల ఉద్యమకారుడని హరీష్ రావు కొనియాడారు. వరంగల్ జిల్లాలో జరిగిన ప్రతి పోరాటంలో ఆయన భాగస్వామ్యం ఉండేదని పేర్కొన్నారు.