దీపావళి: రాష్ట్రవ్యాప్తంగా 5,000 క్రాకర్స్ షాపులకు ఫైర్ సేఫ్టీ ఏర్పాట్లు

దీపావళి సందర్భంగా రాష్ట్రవ్యాప్తంగా సుమారు 5,000 క్రాకర్స్ షాపులు ఏర్పాటు చేసినట్టు అగ్నిమాపక అధికారులు తెలిపారు. ఈ షాపుల వద్ద ఫైర్ సేఫ్టీ పరికరాలు అందుబాటులో ఉంచారు.

ఈ ఏడాది షాపులకు అనుమతులు online ద్వారా జారీ చేశారు. గతంలో అనుమతులు తీసుకోవడానికి ఎక్కువ సమయం పట్టేదని అధికారులు చెప్పారు. ఒక్కో షాపు మధ్య మూడు అడుగుల దూరం ఉండేలా చర్యలు తీసుకున్నారు. షాపుల్లో పని చేసే సిబ్బందికి ఫైర్ సేఫ్టీ పరికరాల వినియోగంపై శిక్షణ ఇచ్చారు.

ప్రతి సముదాయం వద్ద పోలీసులు, అగ్నిమాపక సిబ్బందిని మోహరించారు. ఒక్కో ప్రాంతంలో ఒక ఫైర్ టెండర్‌ను సిద్ధంగా ఉంచారు. అగ్నిమాపక శాఖ, ఆరోగ్య శాఖ కలిసి ప్రజలకు అవగాహన కార్యక్రమాలు చేపడుతున్నాయి.

టపాసులు కాల్చేటప్పుడు తెల్లని కాటన్ దుస్తులు ధరించడం మంచిదని వైద్యులు చెప్తున్నారు. కళ్లకు రక్షణగా కళ్లజోడు పెట్టుకోవాలి. చిన్న పిల్లలు పెద్దల పర్యవేక్షణలోనే టపాసులు కాల్చాలి. సెగ, పొగ కళ్లకు దూరంగా ఉండేలా చూసుకోవాలి.

టపాసులు కాల్చే ప్రదేశంలో నీళ్లు, ఇసుక ఉంచుకోవాలని సూచిస్తున్నారు. కళ్లలో పొగ లేదా కెమికల్ పోతే దాదాపు 20 నిమిషాలు శుభ్రమైన నీటితో కడగాలి. కళ్లలో ఏదైనా పడితే చేత్తో తీయడానికి ప్రయత్నించకూడదు. వెంటనే ప్రభుత్వ ఆసుపత్రికి వెళ్లాలి.

కాలిన గాయాలను తడి నీటిలో ముంచి ఉపశమనం పొందవచ్చని వైద్యులు చెప్తున్నారు. టపాసుల శబ్దం ఎక్కువగా ఉంటుంది కాబట్టి చెవులకు రక్షణ కల్పించుకోవాలి. ఎక్కువ శబ్దం కర్ణభేరికి హాని చేస్తుందని వైద్యులు హెచ్చరిస్తున్నారు. ప్రభుత్వ ఆసుపత్రుల్లో చికిత్సకు ఏర్పాట్లు చేశారు.

జాగ్రత్తలు పాటించి కుటుంబంతో కలిసి దీపావళి జరుపుకోవాలని ప్రభుత్వం కోరుతోంది. ఎవరైనా గాయపడితే వెంటనే ప్రభుత్వ ఆసుపత్రికి వెళ్లాలని సూచించింది.