పల్నాడు కంకణాలపల్లిలో Y ఆకార రైల్వే బ్రిడ్జ్‌పై గ్రామస్తుల నిరసన

పల్నాడు జిల్లా సత్తెనపల్లి మండలం కంకణాలపల్లి గ్రామంలో Y ఆకారంలో నిర్మిస్తున్న రైల్వే బ్రిడ్జ్ నిర్మాణాన్ని నిలిపివేయాలని గ్రామస్తులు నిరసన వ్యక్తం చేశారు.

ఈ బ్రిడ్జ్ వల్ల గ్రామంలో మహిళల భద్రతకు ముప్పు ఏర్పడుతుందని గ్రామస్తులు ఆవేదన వ్యక్తం చేశారు. ఈ నిర్మాణాన్ని వెంటనే ఆపాలని వారు డిమాండ్ చేస్తున్నారు.

నిన్న జరిగిన MPTC ఎన్నికల్లో తమకు న్యాయం జరగాలని కోరుతూ గ్రామస్తులు ఓటు వేశారు. ఓటుతో పాటు బ్యాలెట్ బాక్స్‌లో కరపత్రాలు వేసి తమ నిరసనను తెలియజేశారు.

ప్రస్తుతం నిర్మిస్తున్న Y ఆకార బ్రిడ్జ్‌కు బదులుగా ప్రధాన రహదారిపై నేరుగా రైల్వే అండర్ బ్రిడ్జ్ నిర్మించాలని గ్రామస్తులు కోరుతున్నారు. ఇప్పటికైనా ప్రభుత్వం, రైల్వే అధికారులు తమతో చర్చలు జరిపి నిర్మాణ ప్రణాళికను మార్చాలని డిమాండ్ చేస్తున్నారు. ఈ విషయంపై రైల్వే అధికారుల స్పందన లభ్యం కాలేదు.