దీపావళి నేపథ్యంలో హైదరాబాద్ క్రాకర్స్ మార్కెట్లలో కొనుగోలుదారుల రద్దీ

దీపావళి పండుగ నేపథ్యంలో హైదరాబాద్‌లోని క్రాకర్స్ మార్కెట్లలో కొనుగోలుదారుల రద్దీ కనిపిస్తోంది. ఉదయం నుంచి సాయంత్రం వరకు షాపుల్లో క్యూ కడుతూ పటాసులు కొంటున్నారు.

ధర ఎంత ఉన్నా దీపావళికి పటాసులు కాలిస్తేనే అసలైన కిక్ ఉంటుందని కస్టమర్లు చెప్తున్నారు. బ్రాండెడ్, స్టాండర్డ్ కంపెనీల పటాసులకే ఎక్కువ డిమాండ్ ఉంది. స్పార్క్‌లర్స్, చక్రాలు వంటివి ఎక్కువగా అమ్ముడవుతున్నాయి. చిన్న పిల్లలు, పెద్దలు, మహిళలు, వృద్ధులకు తగిన రకాల పటాసులు షాపుల్లో దొరుకుతున్నాయి.

షాపు యజమానుల్లో భిన్న స్పందనలు ఉన్నాయి. కొందరు గత ఏడాది కన్నా ఈసారి వ్యాపారం బాగుందని చెప్తున్నారు. మరికొందరు ఈసారి కొంచెం తక్కువగా ఉందని అంటున్నారు. పండుగ నెల మొదటి వారంలో రావడంతో కొంత ప్రభావం పడిందని ఒక వ్యాపారి తెలిపారు. రేట్లు సాధారణంగానే ఉన్నాయని, ఏరియాను బట్టి కొద్దిగా మారుతాయని ఆయన చెప్పారు.

గతంలో చైనా పటాసులను వాడేవారని, ఇప్పుడు అవి నిషేధంలో ఉన్నాయని షాపు యజమాని ఒకరు తెలిపారు. ప్రస్తుతం స్టాండర్డ్ బ్రాండ్ల పటాసులే మార్కెట్లో ఉన్నాయని ఆయన చెప్పారు. ఇవి సురక్షితమని, పర్యావరణానికి హాని తక్కువని ఆయన పేర్కొన్నారు.

పటాసుల వల్ల కళ్లు, ముక్కు, నోటికి గాయాలు తగవచ్చని వినియోగదారులు హెచ్చరిస్తున్నారు. ఖాళీ ప్రదేశంలో, భవనాలకు దూరంగా పటాసులు కాల్చాలని సూచిస్తున్నారు. డాక్టర్లు కూడా జాగ్రత్తలు తీసుకోవాలని చెప్తున్నారు. గత ఏడాదితో పోలిస్తే ఈసారి హడావిడి కొంచెం తక్కువగా ఉందని కొందరు కస్టమర్లు అంటున్నారు.