సోలార్ పవర్‌తో ముల్కనూర్ సొసైటీకి ఏటా కోటి రూపాయల కరెంట్ బిల్లు ఆదా

హనుమకొండ జిల్లా ముల్కనూర్ సహకార సంఘం సోలార్ ప్యానళ్లు ఏర్పాటు చేసుకుంది. దీంతో ఏటా కోటి రూపాయల వరకు కరెంట్ బిల్లు ఆదా అవుతోంది.

ఈ సొసైటీ తరపున రెండు రైస్ మిల్లులు, ఒక కాటన్ మిల్లు నడుస్తున్నాయి. మూడు మిల్లులకు కలిపి ఏటా దాదాపు రెండు కోట్ల రూపాయల కరెంట్ బిల్లు వస్తుండేది.

ఈ భారాన్ని తగ్గించుకునేందుకు సొసైటీ రెండు ఎకరాల స్థలంలో, ఒక భవనం పైన సోలార్ ప్యానళ్లు అమర్చింది. మొత్తం ఆరు కోట్ల రూపాయలు ఖర్చయింది. అందులో కోటిన్నర రూపాయలు సబ్సిడీ వచ్చింది. మిగిలిన నాలుగు కోట్లు సొసైటీ స్వంతంగా పెట్టుబడి పెట్టింది.

సోలార్ ద్వారా వచ్చే కరెంట్‌ను సీజన్‌లో మిల్లులు నడిపేటప్పుడు నేరుగా వాడతారు. మిల్లులు బంద్ ఉన్న సమయంలో మిగిలిన కరెంట్‌ను గ్రిడ్‌కు విక్రయిస్తారు. దీనివల్ల అదనపు ఆదాయం కూడా వస్తోంది.

ఈ పెట్టుబడి ఐదు సంవత్సరాల లోపలే తిరిగి వచ్చేసిందని సొసైటీ అధికారులు తెలిపారు.