ములుగు జిల్లా ఇటుక బట్టీల్లో నిర్బంధంలో ఉన్న కార్మికులను విడిపించిన SP

ములుగు జిల్లా బండారపల్లి వద్ద ఉన్న ఇటుక బట్టీల్లో కార్మికులను నిర్బంధించిన ఘటన వెలుగులోకి వచ్చింది. బిహార్, ఒడిశా, ఉత్తర్‌ప్రదేశ్ రాష్ట్రాల నుండి వచ్చిన కార్మికులు ఈ బట్టీల్లో పని చేస్తున్నారు.

బట్టీ యజమానులు వారిని తక్కువ వేతనానికి పని చేయించుకున్నారని ఆరోపణలు వెలుగులోకి వచ్చాయి. వేతనం తక్కువగా ఉందని చెప్పి కార్మికులు సొంతూరికి వెళ్లాలని ప్రయత్నించగా, బట్టీ యజమానులు వారిని అడ్డుకుని నిర్బంధించి బెదిరించారని తెలిసింది.

కార్మికులు సోషల్ మీడియా ద్వారా తమ పరిస్థితిని ములుగు జిల్లా SP సుధీర్ రామ్‌నాథ్ దృష్టికి తీసుకెళ్లారు. SP స్వయంగా బట్టీలకు వెళ్లి పరిస్థితిని పరిశీలించారు. యజమానులతో మాట్లాడి కార్మికులను వారి సొంత గ్రామాలకు పంపించారు.

ఇకపై ఇటుక బట్టీల్లో కార్మికులను నిర్బంధించినట్లు తేలితే కఠిన చర్యలు తీసుకుంటామని SP సుధీర్ రామ్‌నాథ్ యజమానులను హెచ్చరించారు.