మురసు తుఫాను నష్టంపై కేంద్ర బృందం రెండు రోజుల పర్యటన

మురసు తుఫాను నష్టాన్ని అంచనా వేయడానికి కేంద్ర హోం శాఖ సంయుక్త కార్యదర్శి చిత్తరంజన్ దాస్ నేతృత్వంలో ఏడుగురు సభ్యుల కేంద్ర బృందం ఆంధ్రప్రదేశ్‌లో రెండు రోజుల పర్యటన చేయనుంది.

ఈ బృందం రెండు గ్రూపులుగా విడిపోయి నష్టం జరిగిన జిల్లాల్లో పర్యటిస్తుంది. బాపట్ల, ఏలూరు జిల్లాల్లో నేడు పర్యటన ఉంది. పల్నాడు, తూర్పు గోదావరి జిల్లాల్లో శనివారం పర్యటించి అధికారుల నుంచి వివరాలు సేకరిస్తారు.

నిడదవోలు మండలంలోని సింగవరం, కంసాలిపాలెం, రవిమెట్ల గ్రామాల్లో దెబ్బతిన్న వరి పొలాలను బృందం సభ్యులు పరిశీలిస్తారు. గోపాలపురం మండలం చిట్యాల, వెంకటాయపాలెం, గౌరీపట్నం, చింతలగూడెం గ్రామాల్లో పంట నష్టాన్ని చూస్తారు. కరిచర్లగూడెం, యాదవోలు గ్రామాల్లో దెబ్బతిన్న రోడ్లు, ఉద్యాన పంటలను పరిశీలిస్తారు.

అర్ణబ్ తుఫాను నష్ట అంచనా కోసం ఏర్పాటు చేసిన కేంద్ర బృందాన్నే ఈ పర్యటనకు నియమించినట్టు రాష్ట్ర విపత్తుల నిర్వహణ సంస్థ ఎండీ ప్రఖర్ జైన్ తెలిపారు. ఈ బృందం ఆదివారం ముఖ్యమంత్రి చంద్రబాబుతో సమావేశం అయ్యే అవకాశం ఉందని ఆయన చెప్పారు.