గుంటూరులో పొగాకు వ్యాపారి కుమారుడి అపహరణ: మాజీ ఎమ్మెల్యే ముస్తఫా ఖండన

గుంటూరు జిల్లా పెదకాకాని పోలీస్ స్టేషన్ పరిధిలో పొగాకు వ్యాపారి కుమారుడు అపహరణ కేసు నమోదైంది. ఈ కేసులో YSRCP మాజీ ఎమ్మెల్యే మహమ్మద్ ముస్తఫాను పోలీసులు నిందితుడిగా చేర్చారు.

కేసుపై ముస్తఫా స్పందిస్తూ సెల్ఫీ వీడియో విడుదల చేశారు. ఆ వీడియోలో మాట్లాడుతూ, తనకు వ్యాపారి సూరిబాబుతో ఎలాంటి వైరం లేదని చెప్పారు. పొగాకు కొనుగోలు కోసం తన వద్ద డబ్బులు తీసుకున్న ఆ యువకుడు వేరే వారికి విక్రయించడంతో, తమ సిబ్బంది అతడిని పోలీస్ స్టేషన్ తీసుకెళ్లి అప్పగించారని వివరించారు.

పోలీసులు తమపై కేసు నమోదు చేయడంపై ముస్తఫా ఆశ్చర్యం వ్యక్తం చేశారు. 10 ఏళ్లు ఎమ్మెల్యేగా ఉన్నప్పుడు ఎప్పుడూ తనపై ఎలాంటి ఆరోపణలు రాలేదని, కోర్టు ద్వారా న్యాయం లభిస్తుందని ఆయన తెలిపారు. ఈ కేసులో పోలీసుల దర్యాప్తు కొనసాగుతోంది.