బన్నీ వాసు సినిమాకి నాగదుర్గ 15 షరతులు.. నిర్మాత ఆసక్తికర వ్యాఖ్య

నాగదుర్గ అనే ఫోల్క్ సింగర్ యూట్యూబ్ లో గుర్తింపు తెచ్చుకుని, ఇప్పుడు సినిమాల్లో నటిస్తున్నారు. ఆమె బన్నీ వాసు నిర్మాణంలో ‘ఇడుపు కాయితం’ సినిమాలో హీరోయిన్ గా నటిస్తున్నారు.

ఈ సినిమాలో నటించేందుకు నాగదుర్గ 15 షరతులు పెట్టారని నిర్మాత బన్నీ వాసు వెల్లడించారు. ఆమె తెలుగు అమ్మాయిగా ఏం చేయగలదు, ఏం చేయలేదు అనే విషయంలో చాలా క్లారిటీతో ఉన్నారని ఆయన పేర్కొన్నారు.

“ఒక తెలుగు అమ్మాయితో డీల్ చేయడం నాకు తొలిసారి. ఆమె పెట్టిన 15 రూల్స్ చూస్తే ఒక తెలుగు అమ్మాయి సినిమా చేస్తున్నప్పుడు ఎంత క్లారిటీగా ఉంటుందో అనిపించింది” అని బన్నీ వాసు వ్యాఖ్యానించారు.

నాగదుర్గ ఇప్పటికే ధనుష్ మేనల్లుడు పవిష్ నారాయణ్‌తో ఒక తమిళ చిత్రంలో హీరోయిన్‌గా నటిస్తున్నారు. ఆ సినిమా రిలీజుకు ముందే ఈ ‘ఇడుపు కాయితం’ సినిమా షూటింగ్‌లో పాల్గొంటున్నారు.