నాగోల్‌లో ఈవ్ టీజర్లకు మెగా కౌన్సెలింగ్: జనవరి నుంచి 760 మంది పట్టుబడ్డారు

హైదరాబాద్ మలకాజగిరి పోలీస్ కమిషనర్ పరిధిలో మహిళలను వేధిస్తున్న వారిపై సంస్కార్ మెగా కౌన్సెలింగ్ నిర్వహించారు. నాగోల్‌లోని ఒక function hall లో ఈ కార్యక్రమం జరిగింది. పోలీస్ కమిషనర్ సుమతి నేతృత్వంలో ఈ కౌన్సెలింగ్ జరిగింది.

2026 జనవరి నుంచి మే వరకు She Teams 760 మంది ఈవ్ టీజర్లను పట్టుకున్నాయి. మహిళలను వేధించిన కేసుల్లో 61 FIRలు నమోదు చేశారు. మొత్తం 231 కేసులు నమోదు చేశారని పోలీసులు తెలిపారు.

పట్టుబడిన వారిలో 180 మంది మైనర్లు ఉన్నారు. 24 ఏళ్ల లోపు యువకులు, 50 ఏళ్ల వయసు వారు కూడా ఉన్నారు. ఇది ఆందోళన కలిగిస్తోందని CP సుమతి తెలిపారు.

సమాజంలో శాంతిని దెబ్బతీసే ఎలాంటి శక్తులనైనా సహించేది లేదని పోలీస్ కమిషనర్ హెచ్చరించారు. మహిళలు, పిల్లల రక్షణ కోసం ప్రత్యేక విభాగాలు నిరంతరం పని చేస్తాయని ఆమె స్పష్టం చేశారు.