కడప జిల్లాలో మంత్రి నారా లోకేష్ 89వ రోజు ప్రజాదర్బారు

మంత్రి నారా లోకేష్ కడప జిల్లాలో 89వ రోజు ప్రజాదర్బారు నిర్వహించారు. ఈ సందర్భంగా ప్రజలు మరియు కార్యకర్తల నుంచి అర్జీలు స్వీకరించారు.

BC సంక్షేమ సంఘం ప్రతినిధులు బీసీలకు విద్య, ఉపాధి, రాజకీయ రిజర్వేషన్లు కల్పించాలని విజ్ఞప్తి చేశారు. రాయలసీమ థర్మల్ పవర్ ప్రాజెక్ట్ భూ నిర్వాసిత రైతు హక్కుల పరిరక్షణ ఐక్యవేదిక ప్రతినిధులు, భూ నిర్వసిత కోటాలో నియమితులైన JPA ఉద్యోగుల సీనియారిటీని వన్ టైం బేసిస్‌పై కొనసాగించాలని కోరారు.

పుంగనూరు పట్టణంలోని ప్రమీళా నగర్ రోడ్డులో అక్రమంగా ఆక్రమణకు గురవుతున్న భూమిని సర్వే చేసి దారి ఏర్పాటు చేయాలని పలువురు విజ్ఞప్తి చేశారు. కడప జిల్లా బలిజ సంక్షేమ సంఘం ప్రతినిధులు బలిజ భవనానికి 50 సెంట్ల స్థలం కేటాయించాలని, బలిజ కాపులకు EWS కింద 5 శాతం రిజర్వేషన్ కల్పించాలని కోరారు.

సమర్పించిన అన్ని వినతులను పరిశీలించి సమస్యల పరిష్కారానికి కృషి చేస్తామని మంత్రి లోకేష్ భరోసా ఇచ్చారు.