తూర్పు గోదావరి అనపర్తిలో డ్రోన్ బీట్ ప్రవేశపెట్టనున్న ఎస్పీ నరసింహ కిషోర్

తూర్పు గోదావరి జిల్లా ఎస్పీ నరసింహ కిషోర్ అనపర్తిలో డ్రోన్ బీట్ ను త్వరలో ప్రవేశపెడతామని ప్రకటించారు. అనపర్తి పోలీస్ స్టేషన్ ఆవరణలో సబ్ ఇన్స్పెక్టర్ కార్యాలయ భవనాన్ని ఆయన ప్రారంభించారు.

ఈ సందర్భంగా ఆయన మాట్లాడుతూ, అనపర్తి, మండపేట సర్కిల్స్ ను విలీనం చేసి ఒకే సబ్ డివిజన్ గా ఏర్పాటు చేశామన్నారు. దీని వల్ల డీఎస్పీ, ఇన్స్పెక్టర్లు గ్రామీణ ప్రాంతాల పోలీసింగ్ పై మరింత దృష్టి కేంద్రీకరించే అవకాశం లభిస్తుందని తెలిపారు.

అదేవిధంగా, డ్రోన్ బీట్ అమలుకు అనపర్తిలో మరిన్ని సీసీ కెమెరాలు, డ్రోన్లు, కంట్రోల్ రూమ్ ఏర్పాటు చేయాలని యోచిస్తున్నట్లు చెప్పారు. రాత్రి వేళ డ్రోన్ పెట్రోలింగ్ కూడా నిర్వహించాలన్నారు. ప్రజలు సహకరిస్తే అనపర్తి పూర్తిస్థాయి డ్రోన్ పోలీసింగ్ జరిగే గ్రామంగా మారుతుందని ఆయన పేర్కొన్నారు. అవసరమయిన డ్రోన్లను పోలీస్ శాఖ సమకూరుస్తుందని ఆయన తెలిపారు.