జెఈ అడ్వాన్స్ ఫలితాల్లో నారాయణ విద్యా సంస్థల విద్యార్థులు టాప్ ర్యాంకులు సాధించారు

జెఈ అడ్వాన్స్ ఫలితాలు విడుదలయ్యాయి. నారాయణ విద్యా సంస్థల విద్యార్థులు మంచి ర్యాంకులు సాధించారు.

ఈ ఫలితాలపై నారాయణ విద్యా సంస్థల డైరెక్టర్ సింధు ప్రెస్ మీట్ నిర్వహించారు. తెలంగాణ నుంచి నారాయణ విద్యార్థులు జాతీయ స్థాయిలో 3వ ర్యాంక్ సాధించారని చెప్పారు. ఓపెన్ కేటగిరీలో 5వ ర్యాంక్, 13, 14, 15, 16 ర్యాంకులు సహా 20 లోపు అనేక ర్యాంకులు వచ్చాయని తెలిపారు.

ఆమె ఇచ్చిన వివరాల ప్రకారం, ఓపెన్ కేటగిరీలో మొదటి 100 మందిలో 35 ర్యాంకులు, 500 మందిలో 133, 1000 మందిలో 219, 5000 మందిలో 630, 10,000 లోపు 1053 ర్యాంకులు నారాయణ విద్యార్థులు సాధించారు. అన్ని కేటగిరీలు కలిపి 1000 ర్యాంకుల లోపు 894 మంది నిలిచారు.

ఈ సంవత్సరం పేపర్ 2 చాలా కష్టంగా వచ్చిందని, సమయ నిర్వహణ బాగా చేసిన విద్యార్థులే టాప్ ర్యాంకులు తెచ్చారని డైరెక్టర్ అన్నారు.