నారాయణపూర్ పోలీసులు అనాథ మహిళను అమ్మానాన్న ఆశ్రమానికి చేర్చారు

యాదాద్రి భువనగిరి జిల్లా నారాయణపూర్‌లో ఓ నిరాశ్రయ మహిళను పోలీసులు 'అమ్మ నాన్న అనాథ ఆశ్రమం'లో చేర్చారు. చలి నుండి రక్షణ కోసం రోడ్డుపై తల దాచుకుంటున్న ఈ మహిళ గురించి స్థానికులు డయల్ 100కు సమాచారం అందించడంతో పోలీసులు స్పందించారు.

కడేలబాయ తండా వద్ద ఈ మహిళను గుర్తించిన నారాయణపూర్ పోలీసులు, ఆమెను వెంటనే ఆశ్రమానికి తరలించారు. ఆశ్రమంలో ఆమెకు మంచి బట్టలు ఇచ్చి, మాసిన జుట్టు కత్తిరించి శుభ్రం చేశారు. అనంతరం శివాలయంలో అభిషేకం చేయించి అర్చకుల ఆశీస్సులు అందజేశారు.

ఈ మహిళ మానసిక పరిస్థితి సరిగా లేనందున గుర్తింపు వివరాలు ఇవ్వలేకపోయింది. ఆమెకు ఎవరైనా బంధువులు ఉంటే ఆశ్రమానికి వచ్చి తీసుకెళ్లవచ్చని పోలీసులు తెలిపారు.