నాసిక్ జువెలరీ షాప్‌పై సాయుధ దోపిడీ — కరీంనగర్ PMJ ముఠా అనుమానం

మహారాష్ట్రలోని నాసిక్ జిల్లా పంచవటి ప్రాంతంలో సాయుధ దోపిడీ జరిగింది. హిరావాడి రోడ్డులోని సమృద్ధి జువెలరీ షాప్‌లోకి ఐదుగురు దొంగలు చొరబడ్డారు.

దొంగలు తుపాకులు ఉపయోగించి సిబ్బందిపై కాల్పులు జరిపారు. తర్వాత అందినంత బంగారాన్ని దోచుకుని పారిపోయారు.

షాప్ సిబ్బంది దొంగలను అడ్డుకునే ప్రయత్నం చేశారు. అయితే దొంగలు వారిపై కూడా దాడి చేసి తప్పించుకున్నారు. దాడిలో సిబ్బందికి గాయాలయ్యాయి. వారికి ఆస్పత్రిలో చికిత్స అందిస్తున్నారు. ప్రాణాపాయం లేదని పోలీసులు తెలిపారు.

పోలీసులు సంఘటనా స్థలానికి చేరుకున్నారు. CCTV footage ఆధారంగా దర్యాప్తు చేస్తున్నారు. ఇటీవల కరీంనగర్ PMJ జువెలరీ షాప్‌లో జరిగిన దోపిడీ ముఠా ఇందులో పాల్గొందా అనే కోణంలో కూడా విచారణ జరుపుతున్నారు.