పల్నాడు జిల్లా రెంటాలలో YCP యూత్ నాయకుడు హత్య

పల్నాడు జిల్లా రెంటాల గ్రామంలో YCP యూత్ విభాగ నాయకుడు నవవులూరి చెన్నారెడ్డి హత్యకు గురయ్యారు. నిన్న రాత్రి 10 గంటల సమయంలో ఆయన రెంటచింతల నుంచి రెంటాలకు వెళ్తున్నారు. ఆ సమయంలో గుర్తు తెలియని దుండగులు అతనిపై దాడి చేసి, గొంతు కోసి హత్య చేశారు.

ఈ ఘటనపై పోలీసులు కేసు నమోదు చేసి దర్యాప్తు ప్రారంభించారు. గురజాల DSP ఉమా మహేశ్వరరావు మాట్లాడుతూ, హత్యకు గల అసలు కారణం దర్యాప్తు తర్వాతే స్పష్టం అవుతుందని చెప్పారు. ప్రాథమికంగా పార్టీలోని ఆధిపత్య పోరు కారణం కావచ్చునని అనుమానిస్తున్నట్టు తెలిపారు.

గ్రామంలో YCP పార్టీలో చెన్నారెడ్డి, అశోక్ రెడ్డి వర్గాలు ఉండడంతో ఈ హత్య జరిగిందని పోలీసులు భావిస్తున్నారు. చెన్నారెడ్డి మాజీ ZPTC సభ్యుడు నవలూరు భాస్కర్ రెడ్డి కుమారుడు.

నిందితులను త్వరలోనే గుర్తించి చట్టం ముందు నిలబెడతామని DSP ఉమా మహేశ్వరరావు తెలిపారు.