NBK 112 సినిమాపై సంచలన అప్‌డేట్: బడ్జెట్ 200 కోట్లు, వచ్చే ఏడాది సమ్మర్‌లో విడుదల?

నందమూరి బాలకృష్ణ మరియు దర్శకుడు కొరటాల శివ కాంబినేషన్‌లో తెరకెక్కనున్న NBK 112 చిత్రంపై సినీ వర్గాల్లో భారీ చర్చ జరుగుతోంది. ఈ సినిమా కథ అద్భుతంగా వచ్చిందని, బాలయ్యను ఇప్పటివరకు చూడని కొత్త కోణంలో చూపించేలా కొరటాల శివ స్క్రిప్ట్‌ను రూపొందించారని ప్రచారం సాగుతోంది.

కొరటాల సినిమాల్లో సాధారణంగా ఉండే సామాజిక సందేశం, బలమైన భావోద్వేగాలు, పవర్‌ఫుల్ మాస్ ఎలివేషన్లు ఈ చిత్రంలో కూడా ప్రధాన ఆకర్షణగా ఉండనున్నాయని సమాచారం. ఈ అంశాలన్నింటినీ బాలకృష్ణ ఇమేజ్‌కు తగ్గట్టుగా పెద్ద స్థాయిలో ప్లాన్ చేస్తున్నట్టుగా ఇండస్ట్రీ ఇన్‌సైడ్ టాక్ వినిపిస్తోంది.

ఈ చిత్రం కంటెంట్ ప్రేక్షకులను ఆకట్టుకుంటే, బాక్స్ ఆఫీస్ వద్ద బాలకృష్ణ కెరీర్‌లోని అత్యధిక వసూళ్లు సాధించిన చిత్రంగా ఇది నిలిచే అవకాశాలు ఉన్నాయని టాక్ వినిపిస్తోంది. ఈ సినిమాకు బాలయ్య కెరీర్‌లోనే అత్యంత భారీ బడ్జెట్ ఖర్చు చేస్తున్నారు. ఏకంగా 150 నుంచి 200 కోట్ల బడ్జెట్ పెడుతున్నారని మేకర్స్ వర్గాలు చెబుతున్నాయి.

ఈ లెక్కన NBK 112 మామూలుగా ఉండదని నందమూరి అభిమానులు ఫిక్స్ అయిపోయారు. ఇప్పటికే గ్రాండ్‌గా లాంచ్ అయిన ఈ సినిమా రెగ్యులర్ షూటింగ్ త్వరలోనే మొదలు కానుంది. ప్రస్తుతం గోపీచంద్ మల్లేని దర్శకత్వంలో మరో ప్రాజెక్ట్ చేస్తున్న బాలయ్య, ఆ సినిమా పూర్తయిన వెంటనే కొరటాల ప్రాజెక్ట్‌పై పూర్తి దృష్టి పెట్టనున్నాడు.

అన్నీ అనుకున్నట్టుగా జరిగితే వచ్చే సంవత్సరం సమ్మర్‌లో NBK 112 థియేటర్లలోకి వచ్చే అవకాశం ఉందని సమాచారం. ఇంకో విశేషం ఏమిటంటే, ఈ సినిమాకు 'కార్పెంటర్' అనే టైటిల్ పరిశీలనలో ఉందని తెలుస్తోంది.