2026 నుండి NEET పరీక్ష Computer Based Test గా మారనుంది: కేంద్ర మంత్రి

కేంద్ర విద్యా మంత్రి ధర్మేంద్ర ప్రధాన్ ఒక కీలకమైన ప్రకటన చేశారు. 2026 నుండి NEET UG పరీక్ష Computer Based Test (CBT) విధానంలో నిర్వహిస్తారని తెలిపారు. ప్రస్తుతం అమలులో ఉన్న OMR sheet పద్ధతి మారనుంది.

NEET re-exam విద్యార్థులకు పరీక్ష కేంద్రం ఎంచుకునే అవకాశం కల్పిస్తారని మంత్రి పేర్కొన్నారు. విద్యార్థులు ఏ నగరంలో పరీక్ష రాయాలనుకుంటున్నారో ఆ window తెరిచి ఉంచుతారని చెప్పారు. Admit card జూన్ 14 లోపు అందరికీ అందుతుందని కూడా స్పష్టం చేశారు.

పరీక్ష సమయం విషయంలో NTA ఒక నిర్ణయం తీసుకుంది. OMR sheet పై signatures చేయడానికి సమయం పోవడం వల్ల విద్యార్థులకు నష్టం జరిగిందని గుర్తించారు. దీన్ని పరిగణనలోకి తీసుకుని పరీక్ష సమయాన్ని 15 నిమిషాలు పెంచారు. పరీక్ష మధ్యాహ్నం 2 గంటలకు మొదలై సాయంత్రం 5:15 వరకు నిర్వహిస్తారు.

NEET paper leak వ్యవహారంపై CBI దర్యాప్తు జరుగుతోందని మంత్రి తెలిపారు. Education mafia పై కఠిన చర్యలు తీసుకుంటామని హెచ్చరించారు. CBI ఈ వ్యవహారాన్ని లోతుగా దర్యాప్తు చేస్తుందని, ఎవరినీ వదిలిపెట్టరని స్పష్టంగా చెప్పారు.