NEET పేపర్ లీక్: శివరాజ్ కుటుంబాన్ని CBI విచారణ, ఐదుగురికి జ్యుడీషియల్ రిమాండ్

NEET పేపర్ లీక్ కేసులో CBI దర్యాప్తు వేగంగా కొనసాగుతోంది. కీలక నిందితుడు శివరాజ్ మోటేగావకర్ కుమారుడిని CBI అధికారులు మంగళవారం ఎనిమిది గంటల పాటు విచారించారు. శివరాజ్ భార్యకు కూడా సమన్లు జారీ చేశారు.

లాతూర్ మరియు నాందేడ్‌లోని RCC కోచింగ్ సెంటర్ నుంచి ఐదుగురు ఉద్యోగులు అదృశ్యమయ్యారు. పలు పత్రాలు, రిజిస్టర్లు కూడా మాయమయ్యాయి. పూణే, లాతూర్, నాందేడ్‌లలోని RCC కోచింగ్ సెంటర్లను అధికారులు సీల్ చేశారు.

నాగ్పూర్‌కు చెందిన అమోల్ అనే agent పలు విద్యార్థులకు NEET పేపర్లు అమ్మినట్లు ఆరోపణలు వున్నాయి. CBI అమోల్‌ని విచారిస్తోంది. లీక్ అయిన పేపర్‌ని ఉపయోగించి పరీక్ష రాసిన విద్యార్థుల తల్లిదండ్రులను కూడా CBI విచారిస్తోంది.

లాతూర్‌లో శివరాజ్ ఎనిమిది ఎకరాల స్థలంలో స్కూల్ మరియు కోచింగ్ సెంటర్ నిర్మిస్తున్నట్లు CBI దర్యాప్తులో తేలింది. NEET chemistry పేపర్ లీక్‌లో శివరాజ్ కీలక పాత్ర పోషించినట్లు తెలుస్తోంది.

ఈ కేసులో ఐదుగురు నిందితులకు ఢిల్లీ కోర్టు జూన్ 2 వరకు జ్యుడీషియల్ రిమాండ్ విధించింది. నిందితుడు శుభ్రం కైనర్‌కి CBI custody మరో ఐదు రోజులు పొడిగించారు.

పేపర్ లీక్‌పై వివరణ ఇవ్వాలని NSUI డిమాండ్ చేసింది. ఆందోళన చేస్తున్న విద్యార్థి సంఘం నేతలను పోలీసులు అదుపులోకి తీసుకున్నారు. పాట్నాలోనూ విద్యార్థి సంఘాలు నిరసన చేపట్టాయి. విద్యాశాఖ మంత్రి ధర్మేంద్ర ప్రధాన్ రాజీనామా చేయాలని RJD డిమాండ్ చేసింది.