NEET రీ-టెస్ట్‌లో మార్పులు: పరీక్ష సమయం 3 గంటల 15 నిమిషాలకు పెంపు, అదనపు రఫ్ పేజీలు

NEET రీ-టెస్ట్ నిర్వహణలో NTA కీలక మార్పులు చేసింది. ఈ నెల 21న జరిగే రీ-టెస్ట్ కోసం పరీక్ష సమయాన్ని పెంచారు. ఇకపై మధ్యాహ్నం 2 నుండి సాయంత్రం 5:15 వరకు (మొత్తం 3 గంటల 15 నిమిషాలు) పరీక్ష జరుగుతుంది.

అదనంగా, ప్రశ్నపత్రంలో రఫ్ వర్క్ కోసం విద్యార్థులకు అదనపు పేజీలు కేటాయించింది. కుడిచేతి వాటం ఉన్న విద్యార్థులకు ప్రశ్నపత్రం చివర, ఎడమ చేతి వాటం ఉన్న విద్యార్థులకు ప్రారంభంలో రెండు రఫ్ పేపర్లు అందుబాటులో ఉంచుతున్నట్లు NTA ప్రకటించింది.

గత కొన్నేళ్లుగా అభ్యర్థుల నుండి సేకరించిన అభిప్రాయాలను పరిగణనలోకి తీసుకుని ఈ మార్పులు చేసినట్లు NTA తెలిపింది. అభ్యర్థులు తమ అడ్మిట్ కార్డులో ఇచ్చిన సూచనలను జాగ్రత్తగా చదివి, పరీక్షా కేంద్ర సిబ్బందికి సహకరించాలని NTA విజ్ఞప్తి చేసింది.