NEET UG 2026 రీ-ఎగ్జామ్ జూన్ 21న — NTA తేదీ ప్రకటించింది

NEET UG 2026 పరీక్ష రద్దయిన తర్వాత, NTA కొత్త పరీక్ష తేదీని ప్రకటించింది. జూన్ 21 (ఆదివారం) న పరీక్ష నిర్వహిస్తారు.

మే 3న మొదట పరీక్ష జరిగింది. దేశంలోని 551 నగరాలు, విదేశాల్లో 14 నగరాల్లో దాదాపు 23 లక్షల మంది విద్యార్థులు పరీక్ష రాశారు. MBBS, BDS సీట్ల కోసం ఈ పరీక్ష నిర్వహించారు.

కొన్ని చోట్ల question paper leak అయిందన్న ఆరోపణలు వెలుగులోకి వచ్చాయి. దాంతో NTA పరీక్షను రద్దు చేసింది. ఈ వ్యవహారంపై CBI దర్యాప్తు ప్రస్తుతం జరుగుతోంది.

రీ-ఎగ్జామ్ రాయడం తప్పనిసరి. అయితే మళ్ళీ apply చేయాల్సిన అవసరం లేదు. fee కూడా చెల్లించాల్సిన అవసరం లేదని NTA స్పష్టం చేసింది. జూన్ 21కు విద్యార్థులు సిద్ధంగా ఉండాలి.