NEET UG కౌన్సిలింగ్ షెడ్యూల్ విడుదల.. ఏపీకి 325 అదనపు MBBS సీట్లు

NEET UG ప్రవేశాల కౌన్సిలింగ్ షెడ్యూల్ ను విజయవాడ ఎన్టీఆర్ ఆరోగ్య విశ్వవిద్యాలయం విడుదల చేసింది. ఈ మేరకు వైస్ ఛాన్సలర్ డాక్టర్ చంద్రశేఖర్ వివరాలు తెలిపారు.

ఆల్ ఇండియా కోటా సీట్ల కౌన్సిలింగ్ నేటి నుంచి ప్రారంభం కావాల్సి ఉండగా, సాంకేతిక కారణాలతో రేపటి నుంచి జరగనుంది. రాష్ట్ర కోటా సీట్లకు సంబంధించి ఈ నెల 13 నుంచి కౌన్సిలింగ్ నిర్వహిస్తామని వెల్లడించారు.

ఏపీకి ఈ ఏడాది అదనంగా 325 MBBS సీట్లు లభించాయి. దీనితో మొత్తం సీట్ల సంఖ్య పెరిగింది. క్లాసులు సెప్టెంబర్ నుంచి ప్రారంభం కానున్నాయి.

కౌన్సిలింగ్ నిబంధనలపై రిజిస్ట్రార్ సాయి సుధీర్ వివరించారు. విద్యార్థులు తమకు నచ్చిన కాలేజీలను ఎంచుకోవచ్చు. కానీ మొదటి రౌండ్ లో ఒక కాలేజ్ కేటాయించిన తర్వాత, ఆ తర్వాతి రౌండ్లలో ఆ కాలేజీని మళ్లీ ఎంచుకోవడానికి వీలు లేదు. ఇది ఒకే ఒక నిబంధన అని తెలిపారు.