నెల్లూరులో డ్రగ్స్ గ్యాంగ్ అరెస్ట్: ఆపరేషన్ వజ్ర ప్రహార్

నెల్లూరు నగరంలో తొలిసారిగా డ్రగ్స్ కేసు నమోదైంది. వేదయ్యపాలెం పోలీస్ స్టేషన్ పరిధిలో పోలీసులు డ్రగ్స్ ముఠాను అరెస్టు చేశారు. ఈ ఆపరేషన్‌కు 'ఆపరేషన్ వజ్ర ప్రహార్' అని పేరు పెట్టారు.

ASP దీక్ష తెలిపిన వివరాల ప్రకారం, ముగ్గురు నిందితులను అదుపులోకి తీసుకున్నారు. వీరిలో ఒక యువతి, ఇద్దరు యువకులు ఉన్నారు. నిందితుల నుంచి 12 గ్రాముల మిథైల్ యంఫెటమిన్, 120 గ్రాముల గంజాయి, లిక్విడ్ హుక్కా, వెయ్యింగ్ మిషన్ స్వాధీనం చేసుకున్నారు.

నిందితులు హర్షవర్ధన్ (27), రూబీ రోహిత్ (25), మహమ్మద్ నహేద (26)గా గుర్తించారు. వీరు బెంగళూరు నుంచి ప్రతి వీకెండ్ నెల్లూరుకు డ్రగ్స్ తరలిస్తున్నారు. చంద్రబాబు నగర్‌లో అద్దె ఇల్లు తీసుకుని నిల్వ, సరఫరా చేస్తున్నట్లు తెలుస్తోంది. కాలేజీ విద్యార్థులను టార్గెట్ చేసుకుని విక్రయిస్తున్నారు.

పోలీసులు డ్రోన్లు, సీసీటీవీ కెమెరాలతో నిఘా పెట్టి దాడి చేశారు. నిందితులు స్నాప్‌చాట్, డార్క్ వెబ్, యూపీఐ చెల్లింపులను ఉపయోగించినట్లు విచారణలో తేలింది. ఈ ముఠా నెల్లూరులో డ్రగ్స్ చైన్‌ను పూర్తిగా ముక్కలు చేస్తామని ASP తెలిపారు.