వెయ్యేళ్ల నాటి చోళుల రాగి ఫలకాలను భారత్‌కు అప్పగించిన నెదర్లాండ్స్

ప్రధానమంత్రి నరేంద్ర మోదీ నెదర్లాండ్స్ పర్యటన సందర్భంగా అనయమంగళం చోళ రాగి ఫలకాలను నెదర్లాండ్స్ అధికారికంగా భారత్‌కు అప్పగించింది.

ఈ రాగి ఫలకాలు చోళ చక్రవర్తి రాజరాజ చోళ-I పాలనా కాలానికి చెందినవి. చరిత్రకారుల ప్రకారం వీటిని క్రీ.శ. 985 నుండి 1014 మధ్య కాలంలో రూపొందించారు.

మొత్తం 21 పెద్ద రాగి ఫలకాలు, 3 చిన్న రాగి ఫలకాలు కలిపి సుమారు 30 కిలోల బరువు ఉంటాయి. వీటిపై తమిళం మరియు సంస్కృతంలో శాసనాలు చెక్కారు.

నాగపట్టణంలోని ఒక బౌద్ధ మఠానికి చేసిన దానాలను ఈ శాసనాలు నమోదు చేశాయి. చోళుల కాలంలో దక్షిణ భారతదేశానికి ఆగ్నేయాసియా దేశాలకు మధ్య ఉన్న వాణిజ్య, సాంస్కృతిక సంబంధాలకు ఇవి కీలక ఆధారాలుగా భావిస్తున్నారు.

వలసపాలన కాలంలో ఈ ఫలకాలు యూరప్‌కు చేరినట్లు తెలుస్తోంది. ఇప్పుడు అవి తిరిగి భారత్‌కు చేరుతున్నాయి.