నటి నిహారిక కొణిదెల బోనాల ఉత్సవంలో పాల్గొని ఆనందం వ్యక్తం

నటి నిహారిక కొణిదెల బోనాల పండుగ సందర్భంగా హైదరాబాద్‌లోని మహాకాళేశ్వరీ అమ్మవారి ఆలయాన్ని సందర్శించారు. ఈ సందర్భంగా ఆమె మాట్లాడుతూ, బోనాలు ఎత్తుకోవడం తన చిన్నప్పటి కల అని, ఈ ఏడాది ఆ కోరిక నెరవేరిందని ఆనందం వ్యక్తం చేశారు. ‘హైదరాబాద్‌లో పుట్టి పెరిగాను, బోనాల సమయంలో మహిళలు బోనాలు ఎత్తుకుని కనిపించడం ఎప్పుడూ అందంగా అనిపించేది, నాకు కూడా ఆ అవకాశం దొరికింది’ అని నిహారిక చెప్పారు. ఆదివారం షూటింగ్ లేకపోవడంతో ఈ రోజు ఆలయానికి వచ్చినట్లు తెలిపారు.