బోనాల సందర్భంగా హైదరాబాద్ మహాకాళేశ్వరీ అమ్మవారి ఆలయాన్ని సందర్శించిన నటి నిహారిక కొనిడెల

నటి నిహారిక కొనిడెల బోనాల సందర్భంగా హైదరాబాద్‌లోని మహాకాళేశ్వరీ అమ్మవారి ఆలయాన్ని సందర్శించారు.

ఆమె మాట్లాడుతూ, తాను చిన్నప్పటి నుంచి బోనాలు చూస్తూనే ఉన్నా, ఆడవారు బోనాలు ఎత్తుకుని వెళ్ళడం చాలా అందంగా కనిపిస్తుందని చెప్పారు. ఇటీవలే ఈ విషయాన్ని ఎవరికో చెప్పగా, కొద్ది రోజుల్లోనే తన కోరిక తీరి ఈ ఆలయానికి రావడం జరిగిందని పేర్కొన్నారు.

అమ్మవారి దర్శనం చాలా బాగా జరిగిందని, విగ్రహం చాలా రేడియంట్‌గా ఉందని నిహారిక అన్నారు. తాను మళ్ళీ మళ్ళీ దర్శనం చేసుకోవాలని కోరుకుంటున్నట్టు తెలిపారు. అందరికీ బోనాల శుభాకాంక్షలు తెలియజేశారు.