NIMS లో 2000 కిడ్నీ ట్రాన్స్‌ప్లాంటేషన్లు విజయవంతం — తెలంగాణ వైద్యరంగంలో మైలురాయి

హైదరాబాద్‌లోని NIMS ఆస్పత్రి 2000 కిడ్నీ ట్రాన్స్‌ప్లాంటేషన్ సర్జరీలు విజయవంతంగా పూర్తి చేసింది. ఈ సందర్భంగా ఆరోగ్య శాఖ మంత్రి దామోదర రాజనరసింహ NIMS డాక్టర్లు, నర్సులు, టెక్నీషియన్లు, సపోర్ట్ స్టాఫ్‌ను సత్కరించారు.

కిడ్నీ ట్రాన్స్‌ప్లాంట్ ఒకప్పుడు భారీ ఖర్చుతో కూడుకున్న చికిత్స అని, కానీ ఇప్పుడు రాజీవ్ ఆరోగ్యశ్రీ పథకం ద్వారా పేదలకు కూడా ఉచితంగా అవయవ మార్పిడి ఆపరేషన్లు అందిస్తున్నారని మంత్రి తెలిపారు. డయాలిసిస్ రోగుల సంఖ్య పెరుగుతున్న నేపథ్యంలో తెలంగాణలో మరో 79 కొత్త డయాలిసిస్ సెంటర్లు ఏర్పాటు చేయడానికి ప్రభుత్వం tender process మొదలుపెట్టిందని మంత్రి చెప్పారు.

వడదెబ్బ వల్ల తెలంగాణలోని 7 జిల్లాల్లో 16 మంది మరణించారని అధికారులు తెలిపారు. మృతుల కుటుంబాలకు ₹4 లక్షల చొప్పున పరిహారం ఇవ్వాలని రెవెన్యూ మంత్రి పొంగులేటి శ్రీనివాస్ రెడ్డి అధికారులను ఆదేశించారు. వచ్చే మూడు రోజులు వడగాలుల తీవ్రత పెరగనుందని IMD హెచ్చరించింది. కలెక్టర్లు అప్రమత్తంగా ఉండాలని మంత్రి సూచించారు.